النموذج الياباني IKIGAI
نموذج يتألف من أربعة أبعاد/ دوائر:
الأولى: تمثل درجة حبك للعمل الذي تقوم له
الثانية: تمثل درجة اتقانك وجودة آداءك في العمل الذي تقوم به.
الثالثة: تمثل مدى قدرتك على ان تدر دخلا مقبولا لك من العمل الذي تقوم به
الرابعة: تمثل إلى أي درجة العمل الذي تقوم به مفيد للمجتمع من حولك.
يبدأ التقييم بسؤال النفس بالآتي:
هل انا بشتغل الحاجة اللي بحبها؟
هل انا بشتغل الحاجة اللي بحبها، وفي نفس الوقت آدائي فيها جيد واقدر أكون خبير فيها؟
هل العمل اللي انا بشتغل بحبه وجيد فيه، ويمكنني ان أكسب منه وأدر منه دخل يرضيني؟
هل العمل اللي بقوم به له مستقبل، وهيكون موجود كمان ٧ او ١٠ سنوات ولا هيختفي وهتضعف قيمته؟
هل العمل اللي انا بشتغله بحبه، وجيد فيه، وممكن يدر على دخل كويس، وفي نفس الوقت مفيد للمجتمع والناس اللي بقدم لهم الخدمة أو المنتج أو العمل اللي بأديه؟
لو لقيت نفسك جاوبت على الاسئلة بـ نعم، وخاصة السؤال الاخير، يبقى انت بكده حققت IKIGAI لنفسك..
مش شرط انك تحقق كل الدوائر، طبيعي انك هتلاقي نفسك محقق حاجة من الأربعة، او حاجتين فقط او تلاتة..
يعني مثلا:
ممكن تلاقي نفسك بتشتغل حاجة بتحبها وفي نفس الوقت انت كويس فيها ,في الحالة دي انت حققت Passion الشغف.
لو انت بتشتغل اللي بتحبه ولقيت انه بيتلاقي مع دائرة الأهمية للعالم حواليك، يبقى كده انت عملك يعتبر رسالة Mission
لو انت بتشتغل شغل انت كويس فيه، وفي المقابل بيدر لك دخل كويس. في الحالة دي انت تعتبر Profession
لكن لو مالقيتش نفسك محقق أي دائرة منهم، يبقى لازم تراجع اهدافك وتراجع نفسك وتشوف انت عايز ايه وامكانياتك ايه.. وايه اللي تقدر تعمله وبتحبه وممكن يحقق لك دخل كويس وفي نفس الوقت يكون مفيد لغيرك.
د. منى مصطفى العشري
ال IKIGAI أسلوب حياة.
No comments:
Post a Comment