إجراءات التشغيل القياسية

ناس كتير طلبت شرح تفصيلي لل SOP

Standard Operating Procedure

إجراءات  التشغيل القياسية

 

بس خليني أشرحها بمثال بسيط من أرض الواقع

تخيل عندك كافيه

وجالك نفس الشكوى 3 مرات في أسبوع

“القهوة طعمها مش ثابت”

هنا السؤال مش

مين غلط؟

السؤال الصح هو

هل في SOP أصلاً؟

بدون SOP

كل باريستا يعمل القهوة بطريقته

واحد يزوّد بن

واحد يقلل

واحد يضغط

واحد يستعجل

فالنتيجة؟

طعم مختلف كل مرة

مع SOP

نفس المهمة… لكن بطريقة واضحة

     تحضير الإسبريسو

نعمل إيه

تحضير كوب إسبريسو واحد

نعمله إزاي

جرام البن 18 جرام

درجة الطحن متوسطة

زمن الاستخلاص 25–30 ثانية

النتيجة 30 مل قهوة

إمتى

عند كل طلب إسبريسو

مين المسؤول

الباريستا في الشيفت

لو الطعم اختلف

ما نلومش الشخص

نراجع الـ SOP

نفس الفكرة تنطبق على أي شغل

 فتح الفرع

مين يفتح

الساعة كام

أول 5 خطوات

فحص نظافة

تشغيل الأجهزة

تجهيز الكاش

استلام بضاعة SOP

مين يستلم

يتأكد من إيه

يوثق إزاي

يتصرف إيه لو في نقص

SOP التعامل مع شكوى عميل

مين يسمع

مين يعتذر

مين يعوض

وإمتى تتصعّد المشكلة 

معناها

إن المشكلة تتحل مرة واحدة

مش كل يوم

وإن الجودة تبقى نظام

مش مزاج

وإن الشغل يمشي

حتى لو الشخص اتغير

لو بتشتكي من

أخطاء متكررة

شغل مش ثابت

إدارة مجهدة

غالبًا مش محتاج ناس جديدة

إنت محتاج SOP واضح

اسامه_سليمان